NPK-p isumaqatigiissutip ataani atorfillit feriefond-iat ilaasortaanermillu nassuiaatit
NPK-p allaffeqarfianit paasissutissiineq ingerlanneqarpoq, NPK-p isumaqatigiissutaani
atorfeqartut sulinngiffeqarnermi angalasinnaatitaanerat ilaasortaanerullu assigiinngissutaat nassuiaatigineqarmat.
Sulinngiffeqarnermut angalasinnaatitaanermut aalajangiineq:
NPK Feriefond-ip siulersuisui aalajangerpaat 1. januar 2025-i aallarnerfigalugu sulinngiffeqarnermi angalasarnissamut sulisup nammineerluni 25%-i tikillugu angalanissani tapiisalernissaa.
Maluginiaqqunarpoq Kalaallit Nunaani kattuffiit tamakkerlugit taamatut aalajangermata (NPK, IMAK, AK, il.il.).
Namminersornerullutik Oqartussat ulloq 13. februar-i 1995-i aallarnerfigalugu kaajallaasitaq (cirkulær-i) sulisunut sulinngiffeqarluni angalasinnaatitaanermut neqeroorut atuutsinneqarnissaanut sananikuuvoq.
NPK feriefond:
Feriefond-i pillugu NPK-p isumaqatigiissutaanni § 43 – feriefond naatsunnguamik allaqqosoqarpoq, ersarinnerusumillu kaajallaasitaq ugguuna aaneqarsinnaavoq:
https://www.asa.gl ujarliutaani allanneqassaaq – feriefri.
Sulisitsisup sulisoq sulinngiffeqarnermut angalasinnaatitaanermut feriefond-imut akiliutigisartagaa qaammammut kr. 655,00-iuvoq. Ukiut marlunut katikkaanni ima annertussuseqarpoq: kr. 655,00 x qaammatit 24-it (ukiut marluk) = kr. 15.720,00.
Maluginiaqqusaq feriefond-i uani eqqartorneqarmat, feriefrirejse Naalakkersuisut aalajangiineratigut atuukkunnaarsinneqariartuaarnikuummat, feriefond-ilu sulisitsisumiit kisiat neqeroorutitut atuutsinneqarluni.
Kaammattuutigissavarputtaaq sulisitsisumiit pigisarsi atorfininnermut allakkiap
assilineqarnera misissuataarnissaa, ersarissumik allaqqasarpoq NPK-p feriefond-imut qaammammut kr. 655,00 kisiat akiliisarmat feriefrirejse-muunngitsoq.
Feriefond-i feriefrirejse-lu assigiinngitsut marluupput.
Taamanikkut Namminersorlutik Oqartussani qaffasissumik atorfilittanut feriefrirejse atuutsinneqarnikuuvoq, angalanissaa tamakkiisumik akiliuttarlugit.
Ilaasortaaneq:
NPK-p Kattuffimmut sulisup nammineq aalajangertussaavaa ilaasortaarusunnerluni.
Nammineq immersuinikkut qaammammut kr. 480,00-imik PBS-i aqqutigalugu ilanngaatsinneq pisarpoq.
Kattuffimmut ilaasortaaffimmut periarfissaasut makkuupput:
- Atorfininnermut allakkiap assilinera iluamik atugassarititanut naapertuunnersunut siunnersorneqarsinnaaneq
- Tapinut assigiinngitsunut tunngatillugu maanngaanniit siunnersorneqarsinnaneq
- Suliffik aqqutigalugu aaqqiagiinngittoqartillugu maanngaanniit ikorfartorneqarsinnaaneq
- Tjenestemændenes Låneforening-i ukioq ilivitsoq NPK ilaasortaaffigereeraanni atorniartoqarsinnaasarpoq
- Allarpassuillu
Neriuppugut nassuiaatigineqartut naammaginartut, sulilluarnissassinnullu kissaallusi.
Inussiarnersumik Inuulluaqqusillunga Siulittaasoq,
Arnaq Brønlund Mail: info@npk.gl Nuukullak 8, kl.
3900 Nuuk