Sulingiffeqarnermut aningaasateqarfik
Aningaasaateqarfiup siunertaraa NPK-mik Isumaqatigiissut toqqammavigalugu atorfeqartunut sulinngiffeqarnermi tapiinissaq, tamannalu pisarpoq atorfeqartup sulisitsisuata Aningaasaateqarfimmut tapersiilluni qaammatikkaartumik akiliuteqartarneratigut.
Nunatsinni Perorsaasut Kattuffiata sulinngiffeqarnermi aningaasaateqarfia onlinekkut inniminniisarmat ullut suut aallarfiussanersut tikiffiussanersullu rekvisitionimut allannissaat pingaaruteqarpoq, paasissutissat taakku aallaavigalugit qinnuteqartup ilaqutaasalu billetissaat akikinnerit inniminnerneqassapput. Tassa imaappoq angallatsitsivimmukarlusi billetinik inniminniisoqartarunnaartoq.
Perorsaasut 1. januar 1997-i taassumalu kingorna atorfinissimasut Namminersorlutik Oqartussat N.P.K-llu isumaqatigiissutaa malillugu Kalaallit Nunaanni paaqqinnittarfinni aamma ulloq unnuarlu paaqqinnittarfinni sulisut sulinngiffeqarnermut aningaasaateqarfimmut ilaasortatut isiginiarneqarput.
Aningaasaliiffigitinnissamut malittarisassat: Ullumit atorfiniffimmit ukiut marluk ataannartumik sulisuusimaneq.
Sulinngiffeqarnermi angalanissamut taperneqarnissaq atorfininnermit ukiut marlunngornissaanut qaammatit marlunngornerani pisinnaavoq atorfeqarneq unitsinneqassanngippat. Qaammatit 12 iluanni tapiiffigitittoqarsinnaappat, atorneqanngippata atorsinnaajunnaassapput. Sulinngiffeqarnermi akiliunneqarnermut ilaapput katissimasaq/naligisaq meeqqallu najugaqatigisat suli 18-liineqanngitsut. Angalanissaq Kalaallit Nunaata iluani Kalaallilluunniit Nunaat qimallugu angalanermut toqqatneqarsinnaapput annerpaamillu sumiiffimmi atorfeqarfimmit-Københavnimut-uterlugulu akeqassalluni. Sulinngiffeqarnermi aningaasaateqarfiup atorfiup sumiiffianit-Kastrupmut-uterlugulu imaluunniit nunatta iluani angalaneq akilersinnaavaa, Kalaallilli Nunaani illoqarfimmiit illoqarfimmit Danmarkimullu ingerlaqqinneq akilersinnaanagu.
N.P.K.-P SULINNGIFFEQARNERMUT ANINGAASAATEQARFIANUT QINNUTEQARNERMI IMMERSUGASSAQ:
1. Januar 2025 atuutilersumik Air Greenland-ip nalinginnaasumik akikinnerpaamik fleksibel billet-it, taamaatitsiinnarnissamut sillimmasiissut aamma allaffissornermut akiliut ilanngullugu katillugit akiisa 75%-ii Aningaasaateqarfimmit tapiissutitut akiliutigineqartassapput.
MALUGIUK:
QINNUTEQAAT IMMERSORLUGU NASSIUNNEQASSAAQ ANGALANISSAQ QAAMMATIT PINGASUT SIOQQULLUGU
ANGALANISSAMUT QINNUTEQAATIP IMMERSORNERANI PINNGITSOORANI ILANNGUNNEQASSAPPUT SULIFFIGISAMIT ATORFEQARNERMUT ALLAGARTAQ AAMMA BOPÆLSATTEST (PDF-NNGORLUGIT).