NPK atorfimmik pissanganartumik sulisutut ineriartorfissalimmik inuttassarsiuivoq. Kiffartuussinermik suliaqarneq aamma suliat aallartinneriniit naammassinissaannut suliarissallugit nuannaraagit? – aamma Kattuffimmi ineriartortumi suliassallutit soqutigaajuk? Taava imaassinnaavoq illiusoq pisariaqartitarput.
Nunatsinni Perorsaasut Kattuffiat NPK suliffiuvoq ineriartortoq, taamaattumillu sulisumik pingaarnertut naatsorsuutinik bogførigassanik aamma ilaasortat saaffiginnissutaannik suliaqartussamik pissarsiorpugut. Taakku saniatigut NPK-p nittartagaanut Facebook-ianullu tunngasunik ikiuuttarsinnaassaatit.
Kattuffimmi sulipput siulittaasoq, feriefrirejse-nik suliaqartoq aamma siunnersorti avataaneersoq.
Neqeroorutigaarput suliffik eqeersimaartoq, suleqatigiit ikittunnguugamik imminnut ikioqatigiinnissaat pingaaruteqarluni aammalu sulisut sullissilluarnissamik pingaartitsisuullutik. Allaffimmiutut ilinniarsimasumik, soqutiginnittumik, sullissinermik nuannarisalimmik aammalu suliassanik assigiinngitsunik suliaqarsinnaasumik pissarsiorpugut.
Piginnaasatit:
- Allaffimmiutut ilinniagaqarsimavutit
- Bogføriinissamut E-conomic-imik atuisinnaavutit, tamanna piumasaqaataanngilaq ilinniartinneqarnissalli isumagisinnaavarput
- Allaffissornermut tunngasuni suliani assingusuni misilittagaqarputit
- Eqeersimaartuuvutit, isumassarsiullaqqillutit, nammineertuullutit akisussaassuseqarlutillu – Kalaallisut qallunaatullu allassinnaallutillu oqalussinnnaavutit
Naatsorsuutigaarput:
- Suliffimmi aalajaatsuusutit
- Suleqatiginnillaqqittuusutit
- Nutaanik ilikkagaqarusuttuusutit
- Nammineersinnaasuusutit
- Inuit oqallittarfiinik atuisinnaasutit
Neqeroorutigaarput:
- NPK isumaqatigiissutaanut tunngasunik saaffiginnissutinik suliaqartalernissannut pikkorissarnissat
- Suleqatissatit suliffimmi atukkat pitsaasuunissaannik aamma suliffiup nuannersuunissaanik pingaartitsisut
- Ilinniakkatigut ineriartornissamik periarfissiineq
Aningaasarsiat atorfininnissarlu: Sap.akunneranut 40 tiimit suliffiuvoq. Allaffimmiutut ilinniarsimasunut isumaqatigiissutit atuuttut naapertorlugit atorfinitsinneqassaatit. Suliffimmut atasumik inissaqartitsisoqanngilaq. Paasissutissanik allanik pisariaqartitsiguit mailikkut attavigiuk siulittaasoq Arnaq Brønlund arnaq@npk.gl imaluunnit oqarasuaatikkut +299 322471.
Atorfik soqutigigukku allakkatigut qinnuteqaat nassiuguk uunga: info@npk.gl kingusinnerpaamik 30. Marts 2026. Qinnuteqartut tulleriaarlugit oqaloqatigineqartassapput, taamaattumik qinnuteqaatit piaartumik nassiuguk. Atorfininnissaq: Piaartumik imaluunniit immikkut isumaqatigiissuteqarnikkut.