Piffissaq kingulleq meeqqat inuusuttullu immikkut sullittariallit takornarialerisunut Nuuk Outdoor-imut Kommuneqarfik Sermersuumit inissinneqarsimasut tusagassiuutitigut sammineqartut Nunatsinni Perorsaasut Kattuffiannit arajutsisimanngilagut. Kattuffimmit akuersaarneqarsinnaangilaq Kommunipmeeqqanut inuusuttuaqqanullu immikkut sullittariaqartunut inissiivia perorsaasunik ilinniarsimasunik sulisoqartinneqanngippat. Nuuk Outdoor-ip takornarialerisutut aqqata Isunngaq-mut allanngortinneratigut pissutsit allannguuteqanngillat, meeqqammisuli taakkunannga sullinneqarput.
Pingaartumik suliami pineqartumi Kommunip takornarialerisunut suliakkiisimanera NPK-p tungaanitisornartoqartipparput, akuersaarsinnaanagulu piffissami sivisuumi meeqqat pineqartut asimiinissisimatinneqarneri aammalu inuiaqatigiinni ilaajunnaartitsisumik kingunilittut iliorneq akuersaarsinnaanagu.
Immikkut sullinneqarnissamik pisariaqartitsisunik sullissinermi pingaaruteqartuuvoq aalajangersimasunik tunngaveqarluni perorsaanilerinermik aallaaveqarnissaq, taakkuummata meeqqat pineqartut pisariaqartitaat aammaluinuiaqatigiinnut akuulersitsinissamut taakku anguniagassaannut ikorfartuutaasussaammata.
Ikiortarialinnik isiginnittaaserput
Meeqqat inuusuttuaqqallu inuit nalinginnaat najugaqarfiisa akornannut inissinneqarsimaneri eqqaamiuusutilaannit uparuartorneqarlunilu pissusissamisoorsorineqanngilaq. Uani meeqqat inuusuttuaqqallu immikkut ikiorsertariallit pineqarmata eqqarsarnanngitsuunngilaq taakkuninnga“ilaluarinninneq” qanorpiaq paasineqartariaqarnersoq. Paasinarsinnaavoq inuit ilaasa arlaatigutinnimiilliorfigineqarnissartik ernumagisinnaasarmassuk.
Ataatsimulli isigalugu inuiaqatigiittut inunnik ikiortarialinnik isiginnittaaserput inuiaqatigiittullu akisussaaqataanerput soorluuna oqallisigisariaqaripput – tamakku peqqutaaqataanerpat kalaallit akunnitsinniqanilaarnerput annikilligaluttuinnartutut isikkoqarmat aammalumi meeqqat angerlarsimaffiup avataanut inissinneqaraangata angajoqqaat suli meeqqaminnut akisussaasuusutakuutinneqaratik ersigunnaartutut ilisarnerannut?
Perorsaasut ilinniarsimasut amigaataanerat
“Immikkut ilisimasalittut” taagorneqartup oqaatigisaa meeqqat angerlarsimaffiup avataanut inissinneqarsimasut peroriartorluarnissaannut sulisut pikkorissut qanoq pingaaruteqartiginerat isumaqatigaarput, tamannali isumaginninnikkut perorsaasutut Nunatsinni ilinniarsimasut pikkorissut, pissutsinik ilisimasaqarluartut misilittagaqarluartullu ukiorpanngortuniuteqqiattumik oqaatigisareerpaat, uagutsinnullu tamanna nutaajunngilaq.
Isumaginninnikkut perorsaasutut ilinniarsimasut inuleriffinni tamaginni amigaatigineqarput, naak ilaatigut perorsaasut taakkuugaluartutsuliassanut pingaarutilinnut isumalluutaasut aammalu taakkuusut akissaatitigut appasinnerpaatakornanniitinneqartut.
Isumaginninnermi perorsaasutut ilinniarsimasut akissaatilunneq pissutigalugu suliffinnutallanut nuuttartut minnerpaaffianiitinniarutsigit, akissaatit naleqqunnerusumut iluarsiivigineqartariaqarput – soorlu ukiorpanngulersuni tamanna Kattuffimmit oqariartuutigineqartarsimasoq.
Inatsisit atuutsinneqarnerat
Meeqqanut inuusuttunullu il.il. Naalakkersuisup inatsisit atuuttut allannguuteqarnissaat neriorsuutigaa, ilaatigut inatsisit ersarlunnerat peqqutigitinneqarluni aammalu qulaani pisut assinginikpisoqaqqinnginnissaa qulakkeerniarlugu.
Inatsisit pineqartillugit Namminersorlutik Oqartussat inatsisinik atuutsitsinermi eqqummaarinnerusariaqarput, taakkuuppummi ilaatigut Kommunini inatsisit malillugitsullissinerit pissusissamittut ingerlanneqarnersut nakkutilliinerminni qulakkeerinninnissaminnut akisussaanerpaasut.
Inissiivinnik nammattunik peqarnissaq Naalakkersuisut qulakkiigassaraat
Inatsisit pineqartillugit Meeqqanut inuusuttunullu ulloq unnuarlu angerlarsimaffiit namminersortunit pigineqartut ingerlanneqartartullu atuutilinnginneranni Meeqqanik inuusuttunillu ikiorsiisarneq pillugu Inatsisartut inatsisaanni nr. 20-mi, § 34 malillugu ulloq unnuarluangerlarsimaffiit Naalakkersuisunit akuerineqaqqaartarnerat aammalu Naalakkersuisunik ingerlatsinermut akuersissummik isumaqatigiissusiortoqarsimatillugu aatsaatangerlarsimaffiit inissiivigineqarsinnaalersarnerat eqqaamasariaqarpoq.
Eqqaasitsissutitut ilannguttariaqarpoq inatsimmi pineqartumi § 33 malillugu Naalakkersuisut Ulloq unnuarluinissiiviusinnaasunik naammattunik peqarnissaq namminneq akisussaaffigimmassuk. Taanna erseqqissaatigaarput paasinarmat Kommunip allami inissiivissaqannginneq pissutigalugu Nuuk Outdoor inissiivittut atortariaqarsimammassuk.
Angerlarsimaffiit sulisoqarnikkut qanorpiaq inissisimappat
Meeqqanut inuusuttunullu ulloq unnuarlu angerlarsimaffiit: Namminersorlutik Oqartussanit pigineqartutaammalu Namminersortunit pigineqartut ingerlanneqartullu – sinerissamiittut sulisoqarnikkutatugassaqartitsinikkullu Kattuffitta perorsaasut sulinerminni atugaannik misissuisitsinitsineranit qanoq inissisimanersut Maj 2023-mi Nalunaarusiami takuneqarsinnaapput.Maanna pisutut pisoqartannginnissaa oqartussaasunit qulakkeerneqassappat naammanngilaq inatsisit allannguuteqarnissaat, pisariaqavipporli ilinniarsimasuniksulisoqarnerup nukittorsarnissaa.
Meeqqat inuusuttullu imaannaanngitsunik atugaqartut pitsaasumik ikiornissaannut inuiaqatigiinnilu akuunissaminnut piukkunnarsarnissaannut taakkununnga sullissinissamut ilinniarsimasunik peqartuartariaqarput, tamanna sullissanut pingaaruteqarluinnarmat sullissinermilu pinngitsoorneqarsinnaanani.
Nalunnarusiaq uani takuneqarsinnaavoq: www.npk.gl – Nalunaarusiaq NPK Maj 2023